• June 20, 2021

ഓൺലൈൻ ക്ലാസുകളുടെ സമയം

 ഓൺലൈൻ ക്ലാസുകളുടെ സമയം

ഓൺലൈൻ ക്ലാസുകളുടെ സമയ ദൈർഘ്യം സംബന്ധിച്ച് പുതിയ മാർഗ നിർദേശം പുറത്തിറക്കി കേന്ദ്ര സർക്കാർ. സാധാരണ സ്‌കൂൾ ദിനം പോലെ മണിക്കൂറുകൾ നീണ്ടു നിൽക്കുന്ന ക്ലാസുകളിൽ പങ്കെടുക്കാൻ ഏറെ നേരം മൊബൈൽ, ടിവി, കമ്പ്യൂട്ടർ സ്‌ക്രീനിന് മുന്നിൽ കുട്ടികൾ ചെലവഴിക്കേണ്ടി വരുന്നുവെന്ന അധ്യാപകരുടേയും രക്ഷിതാക്കളുടേയും ആശങ്ക കണക്കിലെടുത്താണ് പുതിയ ഭേദഗതി.

ഒന്നാം ക്ലാസ് മുതൽ എട്ടാം ക്ലാസ് വരെയുള്ള കുട്ടികൾക്ക് പരമാവധി 1.30 മണിക്കൂർ വരെ മാത്രമേ ക്ലാസുകൾ പാടുള്ളു. 9-ാം ക്ലാസ് മുതൽ 12-ാം ക്ലാസ് വരെയുള്ള കുട്ടികൾക്ക് പരമാവധി 3 മണിക്കൂറാണ് ഓൺലൈൻ ക്ലാസിനായി അനുവദിച്ചിരിക്കുന്നത്. നഴ്‌സറി കുട്ടികൾക്ക് 30 മിനിറ്റ് മാത്രമേ ക്ലാസുകൾ എടുക്കാൻ പാടുള്ളു. മാനവ വിഭവ ശേഷി വകുപ്പിന്റേതാണ് തിരുമാനം.

Related post