• June 24, 2021

കേരളത്തിൽ വീണ്ടും കോവിഡ് മരണം; പാലക്കാട് സ്വദേശിനി മരിച്ചു

 കേരളത്തിൽ വീണ്ടും കോവിഡ് മരണം; പാലക്കാട് സ്വദേശിനി മരിച്ചു

കേരളത്തിൽ വീണ്ടും കോവിഡ് 19 രോ​ഗബാധ മൂലം മരണം റിപ്പോർട്ട് ചെയ്തു. ചെന്നൈയിൽ നിന്നെത്തി ചികിത്സയിലായിരുന്ന പാലക്കാട് കടമ്പഴിപ്പുറം സ്വദേശി മീനാക്ഷിയമ്മാൾ (73) ആണ് മരിച്ചത്. ഇവർക്ക് നേരത്തെ പ്രമേഹം, ന്യൂമോണിയ തുടങ്ങിയ രോഗങ്ങളുണ്ടായിരുന്നുവെന്ന് ആരോഗ്യവകുപ്പ് അധികൃതർ അറിയിച്ചു.

മെയ് 25-നാണ് മീനാക്ഷി അമ്മാൾ ചെന്നൈയിൽ നിന്നും പാലക്കാട് എത്തിയത്. തുടർന്ന് ശ്രീകൃഷ്ണപുരത്തെ സഹോദരൻ്റെ വീട്ടിൽ ഹോം ക്വാറൻ്റൈനിൽ കഴിയുകയായിരുന്നു. മെയ് 28-ന് കടുത്ത പനി അനുഭവപ്പെട്ടതിനെ തുടർന്ന് മീനാക്ഷി അമ്മാളെ പാലക്കാട് ജില്ലാ ആശുപത്രിയിലേക്ക് മാറ്റിയിരുന്നു.

ഇവരുടെ ആദ്യത്തെ കൊവിഡ് പരിശോധനാ ഫലം നെഗറ്റീവായിരുന്നുവെങ്കിലും മരണശേഷം അയച്ച സാമ്പിൾ ആണ് കോവിഡ് പൊസീറ്റീവായത്. മീനാക്ഷി അമ്മാളിന്റെ മരണത്തോടെ സംസ്ഥാനത്തെ കോവിഡ് മരണം പതിനൊന്നായി.

Related post