• December 3, 2021

വ്യാജമാർക്കെതിരെ ഐആർസിടിസിയുടെ മുന്നറിയിപ്പ്

 വ്യാജമാർക്കെതിരെ ഐആർസിടിസിയുടെ മുന്നറിയിപ്പ്

ഇപയോക്താക്കൾക്ക് ഐആർസിടിസിയുടെ മുന്നറിയിപ്പ് . ഐആർസിടിസിയുടേത് എന്ന വ്യാജേനെ ടൂറിസം പാക്കേജുകൾ അവതരിപ്പിക്കുന്ന വ്യാജ വെബ്സൈറ്റുകളെപ്പറ്റിയാണ് മെയിലിലൂടെ ഐആർസിടിസി അറിയിപ്പ് നൽകിയത്. ഐആർസിടിസിയുടെ രജിസ്റ്റേർഡ് യൂസർമാർക്കാണ് ഐആർസിടിസി മെയിൽ അയച്ചിരിക്കുന്നത്.

ഐആർസിടിസി എന്ന പേരിനോട് സാമ്യമുള്ള www.irctctour.com എന്ന വ്യാജ വെബ്സൈറ്റ് ആളുകളെ കബളിപ്പിക്കുന്നു എന്നും ട്രാൻസാക്ഷനുകൾ നടത്താൻ ആവശ്യപ്പെടുന്നുവെന്നും മെയിലിൽ ഐആർസിടിസി ചൂണ്ടിക്കാണിക്കുന്നു.

ഈ വെബ്സൈറ്റിനെതിരെ പരാതിയും ഐആർസിടിസി നൽകിയിട്ടുണ്ട്. ഐആർസിടിസിയുടെ ഒഫീഷ്യൽ വെബ്‌സൈറ്റിന് സമാനമാണ് തട്ടിപ്പുകാരുടെ വെബ്സൈറ്റും. ഐആർസിടിസിയുടെ ഭാഗമാണ് എന്ന് അവകാശപ്പെടുന്ന ഈ വ്യാജ വെബ്സൈറ്റ് ജനങ്ങളെ തെറ്റിദ്ധരിപ്പിച്ചുകൊണ്ട് ടൂർ പാക്കേജുകളും ഓഫർ ചെയ്യുന്നുണ്ട്.

സാധാരണയായി അക്കൗണ്ട് നമ്പർ, എടിഎം കാർഡ് വിവരങ്ങൾ, പിൻ അല്ലെങ്കിൽ ഒടിപി തുടങ്ങിയ വിവരങ്ങൾ ആരുമായും ഷെയർ ചെയ്യരുതെന്ന് ഐആർസിടിസി യൂസർമാരോട് ആവശ്യപ്പെടാറുണ്ട്. ഐആർസിടിസി ഉദ്യോഗസ്ഥമാർ ഒരിക്കലും യൂസർമാരുടെ പേഴ്സണൽ വിവരങ്ങളോ, ക്യാൻസൽ ചെയ്ത ടിക്കറ്റുകളെക്കുറിച്ചുള്ള വിവരങ്ങളോ ആവശ്യപ്പെടാറില്ല.

ലോകത്തെ ഏറ്റവും തിരക്കേറിയ രണ്ടാമത്തെ വെബ്സൈറ്റായ ഐആർസിടിസി വെബ്സൈറ്റിൽ 1.5 മില്യൺ മുതൽ 1.6 മില്യൺ വരെ ടിക്കറ്റുകളാണ് പ്രതിദിനം വിൽക്കുന്നത്. ഇതിനുപുറമെ പ്രതിവർഷം 1.05 മില്യണിൽ അധികം ആളുകൾക്ക് ടൂർ പാക്കേജുകൾ ഐആർസിടിസി നൽകുന്നുണ്ട്. ആഡംബര ട്രെയിൻ യാത്രകൾ, ഭാരത് ദർശൻ സ്പെഷ്യൽ ടൂറിസ്റ്റ് ട്രെയിനുകൾ, റെയിൽ ടൂർ പാക്കേജുകൾ, ഇന്റർനാഷ്ണൽ, ഡൊമസ്റ്റിക് എയർ പാക്കേജുകൾ, ലാൻഡ് ടൂർ പാക്കേജുകൾ, ഹോട്ടൽ ബുക്കിങ് തുടങ്ങി ഒരുപാട് സേവനങ്ങൾ ഐആർസിടിസി ഓഫർ ചെയ്യുന്നുണ്ട്.


Related post