• October 23, 2021

ആരോഗ്യം വീണ്ടെടുത്തുകൊണ്ടിരിക്കുന്നു ഒരു മാസത്തിനകം പൊതു രംഗത്തേക്ക് തിരിച്ചു വരും ;വി.എസ് അച്യുതാനന്ദൻ

 ആരോഗ്യം വീണ്ടെടുത്തുകൊണ്ടിരിക്കുന്നു ഒരു മാസത്തിനകം പൊതു രംഗത്തേക്ക് തിരിച്ചു വരും ;വി.എസ് അച്യുതാനന്ദൻ

മുൻമുഖ്യമന്ത്രിയും മുതിർന്ന സിപിഎം നേതാവുമായ വി.എസ് അച്യുതാനന്ദൻ പൊതുരംഗത്തേക്ക് തിരിച്ചുവരുന്നു. വിഎസ് തന്നെയാണ് ഇക്കാര്യം ഫേസ്ബുക്ക് കുറുപ്പിലുടെ അറിയിച്ചത്. ആരോഗ്യപരമായ കാരണങ്ങൾ കാരണ നിങ്ങളുമായി എനിക്ക് ആശയ വിനിമയം നടത്താനോ, ചടങ്ങുകളില്‍ പങ്കെടുക്കാനോ കഴിഞ്ഞിരുന്നില്ലെന്നും. വിഎസ് ഫേസ്ബുക്ക് പോസ്റ്റിലൂടെ വ്യക്തമാക്കി.

ഫേസ്ബുക്ക് പോസ്റ്റിന്റെ പൂർണരൂപം

പ്രിയമുള്ളവരേ,കുറെയേറെ ദിവസങ്ങളായി, ആരോഗ്യപരമായ കാരണങ്ങളാല്‍ എനിക്ക് നിങ്ങളുമായി ആശയവിനിമയം നടത്താനോ, പൊതു ചടങ്ങുകളില്‍ പങ്കെടുക്കാനോ കഴിഞ്ഞിരുന്നില്ല. ഇപ്പോള്‍ ഞാന്‍ ആരോഗ്യം വീണ്ടെടുത്തുകൊണ്ടിരിക്കുന്നു. ഒരു മാസത്തിനകം പൊതു പരിപാടികളില്‍ പങ്കെടുക്കാനാവുമെന്നാണ് പ്രതീക്ഷിക്കുന്നത്.

നാടിനെ നടുക്കിയ കൊറോണ വൈറസിന്‍റെ വ്യാപനം ഒരു ഭീഷണിയായി നിലനില്‍ക്കുന്നതിനാല്‍, എല്ലാവരും ആരോഗ്യ വകുപ്പിന്‍റെ നിര്‍ദ്ദേശങ്ങള്‍ പാലിക്കുന്നുണ്ടാവും എന്ന് കരുതുന്നു. കൂട്ടു ചേരലിലും സന്ദര്‍ശനങ്ങളിലും മിതത്വം പാലിക്കുക, വ്യക്തി ശുചിത്രം പരമാവധി പാലിക്കുക എന്നീ കാര്യങ്ങളാണ് നമുക്ക് ചെയ്യാനുള്ളത്. ആരോഗ്യ വിദഗ്ധരുടെ നിര്‍ദ്ദേശങ്ങള്‍ കൃത്യമായി പാലിക്കുന്നതിലൂടെ ഈ മഹാമാരിയെ നമുക്ക് ഒരുമിച്ച് നേരിടാനാവുമെന്ന് ആശിക്കുന്നു.

Related post